Játningar
Þorkell @ 10.37 24/9/03
Hér er samvisku- og trúarljóð
Játningar
Ég fæ mér oftsinnis göngu
upp á Golgata.
Á stundum hjálpa ég til
við að hamra á naglann
og hvetja lýðinn tryllingslega áfram,
eða allt þar til fortjaldið rifnar.
Ég á það einnig til
að skipa mér í hóp áhorfenda
eða jafnvel að bresta í grát
og falla á kné við hlið nokkurra kvenna.
Það kemur einnig fyrir að á rölti mínu
festi ég ekki augu við neitt,
sé jafnvel ekki mann eða kross.
Binni @ 24/9/2003 13.08
Hér er gott ljóð. Mér finnst næstum eins og því sé ekki lokið. Kannski er sú óþreyja hluti af ljóðinu.