þorkell.annáll.is

AnnállÁhorfGeymslanHugrenningarKvikmyndirPrívatSkrifTrúmál

« Hvað ræður för þegar maður kynnist fólki? · Heim · Gætir þú búið með sjálfum/sjálfri þér »

Hér er góð leið til að kafa dýpra í kvikmyndasöguna

Þorkell @ 23.23 31/12/07

Ég er meðlimur í net-kvikmyndaklúbbi sem ber heitið The IMDb film Club. Þar tökum við fyrir einn leikstjóra á mánuði, horfum á valdar myndir eftir hann og ræðum um hann og myndir hans á IMDb. Þetta er bæði lærdómsríkt og gefandi. Ég mæli því með því að þeir sem hafa áhuga á að kafa dýpra í kvikmyndasöguna gerist meðlimir.

Við byrjuðum seint árið 2006 og tókum þá fyrir Bergman, Eisenstein og Murnau. Þetta árið horfðum við á myndir Altman, Capra, Pasolini, Tarkovsky, Allen, Ki-duk Kim, Antonioni, Fellini, Visconti og Trier, ásamt Avant Garde safndisk frá Kino: “Avant Garde – Experimental Cinema of the 1920s & 1930s”

Búið er að ákveða tvo næstu leikstjóra. Í janúar munum við taka fyrir myndir Truffaut og í febrúar Greenaway.

Mér finnst þetta góð leið til að kynnast betur helstu leikstjórum kvikmyndasögunnar. Það er eitthvað svo miklu skemmtilegra að gera slíkt saman með öðrum og maður myndi aldrei ganga jafn kerfisbundið til verks ef umgjörðin væri ekki til staðar.

url: http://thorkell.annall.is/2007-12-31/her-er-god-leid-til-ad-kafa-dypra-i-kvikmyndasoguna/

Athugasemdir

Fjöldi 1, nýjasta neðst

Árni Svanur @ 2/1/2008 17.58

Þetta er hinn allra besti klúbbur, um það get ég vitnað. Leikstjóravalið áhugavert og umræðurnar líka.


© þorkell.annáll.is · Færslur · Ummæli